Video
Read full review
2022-07-26
284 views
位於近油麻地嘅譽發廣場係專門做食肆嘅大廈，今次一搭就搭到上頂樓去食一間高級西餐！我鍾意呢度嘅係佢嘅夜景，雖然唔係海景，但係係好靚嘅黃昏底下望住旺角嘅鬧市都別有一番風味！擺設上呢度好適合一對情侶來燭光晚餐，唔單止窗邊有心心嘅擺設，而且每張枱上面都有小蠟燭，真係好有情調!另外作為高級餐廳店員嘅服務當然唔少得啦！呢度嘅位唔算好多，嚟之前都要卜位，而店員都會好細心咁樣去定期加水，同埋解釋每個細節，無論係餐前包，係牛扒需唔需要芥末，係個飯想硬定淋d，定係個甜品要點樣去處理都好有禮貌同賓至如歸咁樣去介紹！之後就講食物啦！今次叫咗個鴨髀肉Risotto，安格斯肉眼扒同兩個甜品（心太軟同火焰雪山）鴨髀肉Risotto喺呢度嘅推介，佢既獨特之處係飯粒分明，每啖食落去都會有口感，而且鴨髀肉切絲，係每一啖上面都有油髀肉既香味，覺得呢個係一個要花手工處理既菜！肉眼扒我哋叫咗五成熟，牛味都幾重佢嘅配菜非常足夠而且擺碟都好靚！最後就係心太軟同火焰雪山，火焰雪山佢俾咗酒即場燒，店員會話比你知幾時要吹熄，呢個甜品嘅味道非常豐富，有出面嘅cream同pancake皮，再加上入面嘅雪糕，我形容係外熱內凍，外硬內軟，而且周
我鍾意呢度嘅係佢嘅夜景，雖然唔係海景，但係係好靚嘅黃昏底下望住旺角嘅鬧市都別有一番風味！擺設上呢度好適合一對情侶來燭光晚餐，唔單止窗邊有心心嘅擺設，而且每張枱上面都有小蠟燭，真係好有情調!
另外作為高級餐廳店員嘅服務當然唔少得啦！呢度嘅位唔算好多，嚟之前都要卜位，而店員都會好細心咁樣去定期加水，同埋解釋每個細節，無論係餐前包，係牛扒需唔需要芥末，係個飯想硬定淋d，定係個甜品要點樣去處理都好有禮貌同賓至如歸咁樣去介紹！
之後就講食物啦！今次叫咗個鴨髀肉Risotto，安格斯肉眼扒同兩個甜品（心太軟同火焰雪山）
鴨髀肉Risotto喺呢度嘅推介，佢既獨特之處係飯粒分明，每啖食落去都會有口感，而且鴨髀肉切絲，係每一啖上面都有油髀肉既香味，覺得呢個係一個要花手工處理既菜！
肉眼扒我哋叫咗五成熟，牛味都幾重佢嘅配菜非常足夠而且擺碟都好靚！
最後就係心太軟同火焰雪山，火焰雪山佢俾咗酒即場燒，店員會話比你知幾時要吹熄，呢個甜品嘅味道非常豐富，有出面嘅cream同pancake皮，再加上入面嘅雪糕，我形容係外熱內凍，外硬內軟，而且周遭仲有好多嘅柚子同莓襯托，可以話係雪糕甜品嘅甜味加上呢啲莓襯托出一種好清新嘅感覺！
而心太軟從相入面都見到絕無手軟，入面嘅朱古力醬幾乎係未切嘅時候已經湧，出嚟好好奇喺細個嘅心太軟蛋糕入面點解可以有咁豐富嘅朱古力！
Post
