Garrett Popcorn (Closed)

每次經過觀塘apm都好想試下Garrett Popcorn， 前幾日即興買一包來試試，夏威夷果仁焦糖脆脆爆谷(中）$95， 價錢唔算平， 一開爆谷袋見到除了爆谷之外還有合桃，杏仁和腰果等等， 好豐富的夏威夷果仁， 焦糖脆脆爆谷口感鬆脆但味道太甜， 算是好吃的，但又沒有我想像中這般好吃。一共有五種口味，芝加哥風味， 焦糖脆脆，芝士味， 杏仁焦糖脆脆， 夏威夷果仁焦糖脆脆， size有分細，中，大和特大， 也有桶裝可供選購，下次可以再試下另外四款口味。