Maison (Closed)

當日第一次去，只飲過桃沙冰。我先食左上面附的二片桃肉。看上去似大陸桃，是爽脆，無咩味，非軟甜（個厚度好薄，同厚切薯片差不多，又脆底，我覺得宜炸左佢食）。我個人覺得是有天然的桃肉加桃汁加糖（看番FB page 可來額外甜味可能來自益力多但我飲不出）的感覺。可能九月巳算是季尾難買到靚桃肉。第一二啖，好似自己買的細細支好杰的桃汁的味一樣。加上佢的粉身的冰同平時食黃黃地的桃肉明顯不同色，有令我覺得成杯野好人工。不過飲多二飲發覺，冰打得算細，而且桃味有浸透每一塊冰。最後幾啖，冰溶了後味道反而有新鮮桃味。又好飲返喎！比起Starbucks ，呢間真係天然味重好多嘅。順帶一提，服務非常友善，雖然只有簡單椅子和企位，但非繁忙時店員是會同客人交流，有去屋企附近的cafe感 。以我觀察，巳經有回頭客。我個人覺得如果你去中環加上天時熱想涼一涼，或者等人都可以試下呢間店，是一個好的休息地方。