Video
Read full review
2015-08-12
1855 views
突然間好想食煲仔飯，記得朋友剛剛旺角有間煲仔飯好正！於是就問吓朋友啦，點知佢都話唔記得間野嘅名，只知道係朗豪坊後面！於是乎就落去搵吓，好彩又俾我好快搵到！呢度嘅煲仔飯都唔平，最低消費都要＄70一煲！不過好彩有原煲老火湯同油菜送！除咗煲仔飯仲有其他小炒，選擇好多！我哋三個人叫左2個煲仔飯，古法黃鱔煲仔飯同金銀蒜粉絲扇貝煲仔飯，仲叫咗一個辣酒煮花螺。叫完冇幾耐老火湯就到喇！今日嘅老火湯係甘荀南瓜煲西施骨！佢個湯嘅顏色就知道好足料啦，飲落去都好甘甜！而且份量都好大煲，一煲可以夠兩個人飲！之後辣酒煮花螺都嚟喇，一片血紅嘅顏色，勁多辣椒！花螺都算好大隻，而且都好新鮮，可能因為近奶路臣街嘅關係，海鮮都特別新鮮！花螺好鮮甜、爽口，不過略嫌未夠入味，所以亦都唔算係好辣，如果可以再煮多一陣就更加好！食完個辣酒煮花螺，等左一陣間黃鱔煲仔飯就嚟啦！個煲一放低喺枱面就已經聞到好香嘅味道！可惜我唔食黃鱔，不過睇顏色就知一定好惹味！黃鱔都好肥美飽滿！金銀蒜粉絲扇貝煲仔飯一打開四大隻扇貝，完全見唔到D飯！要攞開其中兩隻扇貝先可以見到D飯！扇貝唔使講都知道好新鮮同肉厚，所以食落去都好鮮味！至於個飯因為有好多金銀蒜嘅關
突然間好想食煲仔飯，記得朋友剛剛旺角有間煲仔飯好正！於是就問吓朋友啦，點知佢都話唔記得間野嘅名，只知道係朗豪坊後面！於是乎就落去搵吓，好彩又俾我好快搵到！
呢度嘅煲仔飯都唔平，最低消費都要＄70一煲！不過好彩有原煲老火湯同油菜送！除咗煲仔飯仲有其他小炒，選擇好多！
我哋三個人叫左2個煲仔飯，古法黃鱔煲仔飯同金銀蒜粉絲扇貝煲仔飯，仲叫咗一個辣酒煮花螺。
叫完冇幾耐老火湯就到喇！今日嘅老火湯係甘荀南瓜煲西施骨！佢個湯嘅顏色就知道好足料啦，飲落去都好甘甜！而且份量都好大煲，一煲可以夠兩個人飲！
之後辣酒煮花螺都嚟喇，一片血紅嘅顏色，勁多辣椒！花螺都算好大隻，而且都好新鮮，可能因為近奶路臣街嘅關係，海鮮都特別新鮮！花螺好鮮甜、爽口，不過略嫌未夠入味，所以亦都唔算係好辣，如果可以再煮多一陣就更加好！
食完個辣酒煮花螺，等左一陣間黃鱔煲仔飯就嚟啦！個煲一放低喺枱面就已經聞到好香嘅味道！可惜我唔食黃鱔，不過睇顏色就知一定好惹味！黃鱔都好肥美飽滿！
金銀蒜粉絲扇貝煲仔飯一打開四大隻扇貝，完全見唔到D飯！要攞開其中兩隻扇貝先可以見到D飯！扇貝唔使講都知道好新鮮同肉厚，所以食落去都好鮮味！至於個飯因為有好多金銀蒜嘅關係，食落去啖啖都有蒜香嘅味道，真係超正！
不過油菜嘅份量就爭少少啦！侍應話呢啲已經係兩個煲仔飯嘅份量，但係就只係得幾條！而且我覺得放得太多油喇！雖然好靚，但食落去成口都係油！
至於食煲仔飯最重要梗係最尾個飯蕉啦！如果食煲仔飯冇飯焦的話，都唔係食煲仔飯！呢度嘅煲仔飯成個煲不論煲邊定係煲底都有一層飯焦，可惜我唔記得影相，呢張相係我加左湯個飯焦後，撈勻之後影嘅，可以見到都有唔少飯焦！有啲人會鍾意就咁食個飯焦，但亦都可以選擇加湯落去食！我覺得加左堂之後嘅飯焦半脆口半煙韌咁嘅感覺仲更加好食！總括嚟呢度嘅煲仔飯同埋老火湯都唔錯！
Post
