太平洋咖啡

Open Now

Now Closed

真係唔知呢杯係咩嚟，咩菠蘿烏龍咖啡梳打，仲要賣42蚊，極度難飲，我試咗一啖，入口勁酸，酸到要吐返出嚟，甜味欠奉，完全無咖啡味，又要溝埋啲烏龍茶味，奇怪到極點。本身我老公唔想浪費，諗住點都飲一半啦，但最後係一半都飲唔到，近乎成杯要放棄。我叫杯朱古力都好難飲，朱古力味好奇怪，我記得好多年前飲過都叫正常，因咩事而家連杯朱古力都攪到咁奇怪咁難飲，無咩朱古力味，得個甜字，難怪無咩人入去，本身都無咩期望，估唔到無期望都仲會有失望。