越大哥 (中興新街) (Closed)

新式茶記，坐得舒適。兩邊門口都係玻璃設計，完全可以望到室外，室內都有幾張枱可以坐。地點都算方便易搵，係中興新街個邊。火車頭河粉味道好正，有生熟牛肉，扎肉，牛丸，全部配料都係我鍾意食的。湯底好味，河粉都好軟熟，易入口。越式無骨鳳爪酸酸辣辣再帶點甜味，仲要無骨，真係啱晒我呢啲懶人～哈哈哈越式軟殼蟹米紙卷第一次食米紙卷，外表透明薄身，原來味道係咁，口感好薄，可以好快就食到入面啲餡～咖喱牛腩飯香噴噴，離遠都聞到陣咖哩味。咖哩好香濃，牛腩都好大粒，好多。