雲南桂林過橋米線

Open Now

Now Closed

7月9日, 去朗豪坊睇戲順便行過黎呢邊睇下有乜食~ 呢排喜歡上食米線就一於走入去開餐~::: 雞翼涼拌米線::: $ 20 (+$4雞翼)我唔係好鍾意食湯麵之類既食物, 所以見到涼拌兩個字就二話不說揀左! 涼拌又有分熱食同凍食兩款, 今次揀左熱食. 雞翼細隻又普通. 基本上淨係涼拌米線已經夠豐富, 材料有花生, 酸菜, 炸醬(如果走辣的話佢就唔會比炸醬你) d米線咬落煙煙韌韌, 酸辣惹味. 唔食得辣既會覺得辣架其實, 但係無左炸醬又會差d…::: 牛展酸辣米線 ::: $ 20 ( +$4牛展) +$7 凍奶茶相比呢個就冇咁好食, 要咗少辣, 雖然係最低既辣度, 不過已經好鬼辣, 聽到其他人叫超少辣… 其實有成咁多個辣度, 點解唔好好分配呢? 牛展都係好普通, 冇特別~ 唯一讚既係湯底幾香, 配米線煙韌既質地加番d分…雲南桂林米線打正期號以米線做主打點都唔會差得去邊既~ 平時食開湯米線既, 今次試既涼拌米線就真係夏天good try~