神石燒牛扒專門店 (碧街) (Closed)

呢排同男朋友做gym，所以想食多啲蛋白質，最近成日都係去呢一間神石燒牛扒專門店！我係去油麻地分店，地方好方便，通常做完gym就會去呢到！餐廳有一個自助區可以自己任意添加唔同嘅沙律菜，仲有得自己整牛角飯，我最鍾意加大量紫菜芝麻落去！真係好香，好好食呀！今次我就揀咗呢一個夏日限定：檸檬塩糀牛舌及牛五花盛合200g $109！咁就可以一次過食晒兩款唔同口感嘅牛肉😋檸檬塩糀牛舌口感好嚼勁，配上檸檬🍋更清新！而牛五花肥瘦恰到好處，口感柔嫩滑順，又唔會太過油膩，好好食👍🏻呢一個新口味對我嚟講係幾特別，夏天食又確實真係好夾！