Lemongrass (Closed)

之前聽好多人講過呢間泰國菜，話啲咖哩超正，今日專程黎試下嘅，順便又可以shopping .餐廳裝修唔似傳統泰國菜咁所有野都泰國風，反而呢到多左份休閒感，又有軟腍腍sofa 坐，好舒適，好渡假feel .今次叫左一個咖哩，一個湯，一份鬆餅再加左碗白飯。 先來嘅係好期待嘅瑪沙曼咖哩牛腩。佢地有青咖哩，紅咖哩，真是樣樣都好吸引，唯獨是呢款瑪沙曼咖哩真是未試過，身為一個好食專員，當然咩都要試。瑪沙曼咖哩口感好香滑，加埋有椰汁，好正，我當湯飲左大半。個咖哩唔係辣嘅，我相信好多人都可以一試。之於牛腩，份量好多，好夠腍，仲有超腍嘅牛筋，所以叫左個白飯一齊食。配菜仲有薯仔，洋蔥同車哩茄，所有配菜都吸哂咖哩精華，好入味。個鬆餅真係估唔到咁鬆脆可口，又唔係超油，又無變腍到，或者麵粉太多而太厚。就是夠鬆，連咖哩汁一起食嗰時，多位去吸好多好多咖哩汁，超爽呢！呢個encore 架！到朋友最愛肉骨茶，佢真係無叫錯，濃濃湯底，散發出藥材味，好補身，夏日因爲太熱又涼冷氣，又飲凍野多，飲番個肉骨茶調養下身體都幾好架。啲肉又係超腍，放入口都溶化咁滯，仲有豆豆卜，腐竹，加埋湯汁送飯原來好好食架，呢個朋友教嘅！仲有，個湯下面