Video
Read full review
2019-07-04
1773 views
今晚又黎到協奏坊食 Dinner Buffet 喇 !! YEAH !! 同樣, 由於一早提前左 15 日訂枱, 所以可以用早鳥優惠, $268 連加一就落到樓｡ 首先, 每位客人都會有一碗粉絲龍蝦尾喇沙湯, 湯底香濃惹味, 而且仲有大大塊嘅龍蝦肉｡冷盤區先黎新鮮沙律菜, 另外配有粟米粒、紫心薯、車尼茄、千島汁、日式芝麻汁 & 凱撒沙律汁由於呢期主題係夏日芒果, 所以特別推出左碟好長嘅龍蝦芒果沙律仲有 Parma Ham 凱撒沙律 & 泰式牛肉沙律當然一定唔少得 6 款海鮮冷盤: 青口、凍蝦、白蜆、小龍蝦、麵包蟹 & 長蟹腳, 大熱嘅麵包蟹 & 長蟹腳好快被清空, 但又好快 refill 番｡刺身區有 4 款刺身: 三文魚 (非常肥美) 、帶子 (肉厚味甜) 、吞拿魚 & 希靈魚｡另外仲有多款壽司小食區日式芝麻雞翼 (雞皮炸到非常酥脆, 肉質仍好嫩滑, 香口惹味)、炸龍蝦丸 (同泰式辣醬係絕配)雞骨腸 (好似食雞脾咁揸住個雞骨黎食嘅香腸) 炸薯絲蝦 (以薯絲包住蝦肉, 炸到表面脆卜卜)、越式網紙春卷 (外層酥脆, 內層啖啖蝦肉)熟食區冬瓜盅 (用料豐富, 味道清甜, 消暑又解熱) 周打
首先, 每位客人都會有一碗粉絲龍蝦尾喇沙湯, 湯底香濃惹味, 而且仲有大大塊嘅龍蝦肉｡
冷盤區
先黎新鮮沙律菜, 另外配有粟米粒、紫心薯、車尼茄、千島汁、日式芝麻汁 & 凱撒沙律汁
由於呢期主題係夏日芒果, 所以特別推出左碟好長嘅龍蝦芒果沙律
仲有 Parma Ham 凱撒沙律 & 泰式牛肉沙律
當然一定唔少得 6 款海鮮冷盤: 青口、凍蝦、白蜆、小龍蝦、麵包蟹 & 長蟹腳, 大熱嘅麵包蟹 & 長蟹腳好快被清空, 但又好快 refill 番｡
刺身區
有 4 款刺身: 三文魚 (非常肥美) 、帶子 (肉厚味甜) 、吞拿魚 & 希靈魚｡
另外仲有多款壽司
小食區
日式芝麻雞翼 (雞皮炸到非常酥脆, 肉質仍好嫩滑, 香口惹味)、炸龍蝦丸 (同泰式辣醬係絕配)
雞骨腸 (好似食雞脾咁揸住個雞骨黎食嘅香腸)
炸薯絲蝦 (以薯絲包住蝦肉, 炸到表面脆卜卜)、越式網紙春卷 (外層酥脆, 內層啖啖蝦肉)
熟食區
冬瓜盅 (用料豐富, 味道清甜, 消暑又解熱)
周打湯 (入口濃滑細膩, 味道一流)
皇帝蟹腳蒸蛋白 (蛋白又滑又香, 仲可以食到蟹肉)
法式紅酒燴牛面頰 (口感又嫩又滑, 而且好入味)
泰式烏頭 (味道酸酸辣辣, 個汁底非常香濃惹味)
日式三文魚炒飯 (飯底炒到夠乾身)、芝士龍蝦汁蟹肉扁意粉 (個汁超正, 而且仲有好多蟹肉添)
櫻花蝦炒野菜、香蒜炒野菌
青咖哩雞 (青咖哩嘅椰香令雞肉口感更滑更好食)、黃咖哩青口 (黃咖哩汁香濃惹味, 配薄餅或蒜蓉包一齊食仲正)
炭燒伊比利亞豬鞍 (肉味濃郁, 肥肉比例適中, 而肉質帶點爽)、燒西冷牛扒 (燒到肉嫩多汁, 肉味濃厚) 、法蘭克福腸、牛仔腸肉、甜椒
甜品區
芒果千層班戟蛋糕 (忌廉軟滑, 餅皮算薄)、日式芒果芝士蛋糕 (芝士味香濃, 口感綿密鬆軟) 、芒果忌廉黑森林卷、意大利芝士蛋糕 (味道唔會過甜, 而且一 D 都唔膩, 係必食之選)、芒果忌廉班蘭戚風蛋糕
芒果拿破崙、芒果椰汁西米露
鮮果、牛奶布甸 (奶香味十足)、班蘭椰汁香芒糯米飯 (班蘭加上香芒嘅糯米飯絕對係必食)、伯爵茶法式焦糖燉蛋 (唔會太甜, 蛋香中散發陣陣伯爵茶味)、紅桑子青檸啫喱、芒果木糠布甸
豆腐花又香又滑, 建議一定一定要加埋芋圓、地瓜圓、紫薯圓
自製Pancake
Movenpick 雪糕 (有 3 款味道, 楓糖合桃味配 Cone 係我嘅至愛)
Post
