廈門風味阿珠小吃店 (Closed)

星期六做完嘢，朋友極力推介到土瓜灣食廈門小食，我心諗有無咁巴閉，連我依一個嘴刁又要求多多既朋友都推介，咁我就即管試下。別到達後，第一個小食就係「土旬凍」，上面有啲燈色醬料，件食物灰色啫哩狀，有啲好似螺肉物體係入面，我問朋友係乜嘢嚟，佢話食咗先講，跟住我就試下啦，先試一啖，幾爽同有啲海水腥味，我諗應該係貝殼纇，幾有趣。好快食完，跟住我朋友就話係「沙蛆」，頂！唔怪得有啲海水腥味。不過又幾特別。後來聽老闆娘講，做「土旬凍」工序繁複，需要好多時間等沙蛆吐沙。凍章魚，餸酒唔錯！五香春卷，皮脆肉香。廈門春卷，用芹菜，蘿蔔，莞茜，砂糖，同多款蔬菜釀造。炸雲呑，幾惹味。