Video
Read full review
2017-10-21
777 views
見今日Happy Friday，想同胖侶食餐好既，就卜咗帝景酒店入面既帝景軒撐吓枱腳，好多人都以為帝景酒店好隔涉，不過原來佢地荃灣站嗰架shuttle喺放工時間密到成十至十五分鐘一班，而車程亦都只不係六七分鐘，六七分鐘，同行去荃新天地食飯都係咁上下時間，荃灣站個上車位喺B3出口，即係車廠嗰邊，同去麗城豪景等既shuttle同一列。帝景軒以前淨係得buffet食，中菜有咗唔係好耐，朋友食過之後極力推介，一直都好想親身嚟試下，今日係機會喇。被安排咗坐喺pool side既坐位，望住個泳池食飯感覺良好，可惜美食太多，快門太少，掛住食無影到相。頭盤係秋葵牛肝菌小耳朵，呢個組合都幾新鮮，未試過將秋葵牛肝菌同埋貓耳朵夾埋嚟一齊食，呢三樣食材都夠哂健康，秋葵有降血脂防腸癌既功效；牛肝菌清熱補虛，增強免疫力，有防治感冒的作用；貓耳朵就有豐富既鐵質，可補血氣，有通便，降血壓之效；廚師以少少涼拌醋汁調味，作為一個頭盤，非常之刺激食慾。香芒水晶虎蝦球，呢個係期間限定，逢星期一至五食夠300蚊，再加10蚊就可以享用；將新鮮嘅虎蝦去殼，蘸上一層薄薄嘅脆漿，大火炸起，蝦球嘅外層奇脆無比，難得淋上咗醬汁之後，個脆度
見今日Happy Friday，想同胖侶食餐好既，就卜咗帝景酒店入面既帝景軒撐吓枱腳，好多人都以為帝景酒店好隔涉，不過原來佢地荃灣站嗰架shuttle喺放工時間密到成十至十五分鐘一班，而車程亦都只不係六七分鐘，六七分鐘，同行去荃新天地食飯都係咁上下時間，荃灣站個上車位喺B3出口，即係車廠嗰邊，同去麗城豪景等既shuttle同一列。
帝景軒以前淨係得buffet食，中菜有咗唔係好耐，朋友食過之後極力推介，一直都好想親身嚟試下，今日係機會喇。
被安排咗坐喺pool side既坐位，望住個泳池食飯感覺良好，可惜美食太多，快門太少，掛住食無影到相。
頭盤係秋葵牛肝菌小耳朵，呢個組合都幾新鮮，未試過將秋葵牛肝菌同埋貓耳朵夾埋嚟一齊食，呢三樣食材都夠哂健康，秋葵有降血脂防腸癌既功效；牛肝菌清熱補虛，增強免疫力，有防治感冒的作用；貓耳朵就有豐富既鐵質，可補血氣，有通便，降血壓之效；廚師以少少涼拌醋汁調味，作為一個頭盤，非常之刺激食慾。
香芒水晶虎蝦球，呢個係期間限定，逢星期一至五食夠300蚊，再加10蚊就可以享用；將新鮮嘅虎蝦去殼，蘸上一層薄薄嘅脆漿，大火炸起，蝦球嘅外層奇脆無比，難得淋上咗醬汁之後，個脆度都沒有減退；醬汁係由香芒秘製而成，酸酸甜甜，剛好中和咗油炸後嘅膩感，妙絕。
宮廷花雕醬烤骨，驟眼睇以為個醬烤骨好似五花腩咁肥，令成世嗌減肥既胖侶如臨大敵，切開之後發現原來並無想像之中咁肥，胖侶先至安心食用；烤骨被炆得好腍好入味，上枱既時候喺個盅入面滋滋作響，惹人垂涎；由於被個盅全天候包圍，食到最後一舊烤骨都仲係暖既，呢一個點好窩心；醬汁十分惹味，加埋底下同樣炆得好腍既洋蔥，我忍唔住食咗兩碗白飯。
豆漿山藥泡泉竹，呢一味餸既材料有山藥，腐竹，翡翠苗，蟲草花，百合同埋蓮子；山藥補腎健脾潤肺，口感同淮山分別不大；豆漿個豆味同腐竹既味道出奇咁配；全部食材都新鮮有益，實屬健康之選。
龍蝦湯蝦球帶子泡脆米，仲記得第一次食脆米泡飯係喺西環碼頭，嗰時見啲脆米浸咗喺泡飯入面好耐都不減佢既脆度覺得驚為天人，近期發現佢經已停業，心諗又少咗一個食脆米泡飯既好地方；不過試過帝景軒呢個龍蝦湯蝦球帶子泡脆米之後即刻人生滿希望，呢個泡飯既湯頭龍蝦味濃郁，好以攞咗個西湯嚟泡飯咁，有少少fusion既感覺，同新鮮爽口既蝦球與及脆米配合得天衣無縫，相信我好快又會掛住佢。
飯後去咗酒店隔離個沙灘同胖侶浪漫一番，個沙灘叫做麗都灣，能夠飽覽汀九以及青馬大橋既美景，喺橋上既燈光襯托之下，夜景更加醉人，係此行除美食以外既一個重大得着，下次早少少嚟，食埋個日落景先得。
Post
