Video
Read full review
2022-01-10
320 views
🎈餃掂手工餃子雲吞專門店 🔍銅鑼灣景隆街19號地舖-----夜晚冇得出街食，就買外賣返屋企同屋企人一齊分享😋。媽咪話想食餃子🥟，24孝女收工即刻衝出去，買完飛的回家，🔥熱辣辣送到佢面前。▲蜜餞雞翼5隻 -$32▲韭菜豬肉煎餃10隻 -$58▲粟米豬肉湯餃10隻 -$54▲大白菜豬肉湯餃10隻 -$54▲四川涼麵 -$30.其實媽咪自己包餃子都有一手，所以通常都對街外嘅餃子諸多挑剔，呢間係唯一一間餃子佢係睇得上眼嘅。.之所以被媽咪認可，其中嘅一大原因就係黎自佢哋嘅狀元九鼎湯，濃濃嘅花生蓮藕口味清甜非常，無論係配搭松露味突出嘅龍鳳松茸餃、香甜飽滿嘅粟米豬肉餃，定係爽口多汁嘅大白菜豬肉餃，都非常合適，有提味之效，確係比坊間好多餃子店都更為出色，難怪通過嘴刁媽咪嘅嚴格標準😛。而韭菜豬肉就特別適合用黎作煎餃，韭菜香氣會更添油香，惹味非常，加上脆卜卜嘅邊緣，令人願意為佢熱氣一個晚上😝每次都必叫嘅仲有🐥蜜餞雞翼，啖啖香甜鹹香並存，嫩口彈牙，令人停不下口，一次過叫了10隻，但一家人都表示唔夠喉😋。-----👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：外賣yo👶
🔍銅鑼灣景隆街19號地舖
-----
夜晚冇得出街食，就買外賣返屋企同屋企人一齊分享😋。媽咪話想食餃子🥟，24孝女收工即刻衝出去，買完飛的回家，🔥熱辣辣送到佢面前。
▲蜜餞雞翼5隻 -$32
▲韭菜豬肉煎餃10隻 -$58
▲粟米豬肉湯餃10隻 -$54
▲大白菜豬肉湯餃10隻 -$54
▲四川涼麵 -$30
.
其實媽咪自己包餃子都有一手，所以通常都對街外嘅餃子諸多挑剔，呢間係唯一一間餃子佢係睇得上眼嘅。
.
之所以被媽咪認可，其中嘅一大原因就係黎自佢哋嘅狀元九鼎湯，濃濃嘅花生蓮藕口味清甜非常，無論係配搭松露味突出嘅龍鳳松茸餃、香甜飽滿嘅粟米豬肉餃，定係爽口多汁嘅大白菜豬肉餃，都非常合適，有提味之效，確係比坊間好多餃子店都更為出色，難怪通過嘴刁媽咪嘅嚴格標準😛。
而韭菜豬肉就特別適合用黎作煎餃，韭菜香氣會更添油香，惹味非常，加上脆卜卜嘅邊緣，令人願意為佢熱氣一個晚上😝
每次都必叫嘅仲有🐥蜜餞雞翼，啖啖香甜鹹香並存，嫩口彈牙，令人停不下口，一次過叫了10隻，但一家人都表示唔夠喉😋。
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：外賣yo
👶🏻B仔味道評分：8/10個👍🏻
👶🏻B仔回頭機會：8.5/10個👍🏻
Post
