火夫

Open Now

Now Closed

尋日又試新嘢，百佳旁嘅火夫，日式套餐外賣55折，二人餐404變228，好抵咁，這做試伏器🤣。點知，呢次真係有啲啲伏😵😵。雞肝多士 ～以為佢想學鵝肝多士，點知係肝醬多士，雞肝醬唔肥，無咩味。唔知想點。牛小腸～ 即係牛什腸，多左個醬咁囉。火夫咖哩麵。。麵汁分開pack，但個汁好杰，似係醬多啲，只係有幾粒肉粒，無甚特別。黑醋蕃茄冷麵。。呢個最好，酸酸地，有嘅粒粒蕃茄，三色椒，洋蔥等，好醒胃👍🏼炸物x4鹽燒雞翼。。鹽燒中翼兩只，正常質素，無乜特別。蟹肉蠔。。吉列炸蠔加啲蟹肉上面。花枝啡菇。。紫蘇葉加一只小啡菇同少少花枝蓉，其實無乜花枝味。玉子鰻魚。。都係吉列咁一舊，我最鍾意食鰻魚，但咬左一啖，唔覺有鰻魚囉，玉子就似以前啲迴轉壽司質素。午後奶茶，午後檸檬茶。。出得午後，都知道係支裝貨啦😆。可能呢次係外賣，唔係即刻食係爭啲。不過咁，服務幾用心咁，佢哋知我喺門外等緊，完成後即刻走出街示意我地可以拎餐，仲要有另一人拎住兩袋嘢出門外俾我地，呢樣要讚嘅。