Video
Read full review
2010-07-01
12 views
而家賣點心不再是酒樓嘅專利。開到成巷成市嘅點心餐廳，越嚟越多！喺上環都有一間，不過，點心款式不多，久唔久轉吓 Menu !今次係我第二次幫襯，發覺已經轉咗 Menu ! 四季豆欖菜餃 $14 有潮式風味，餃皮係粉果皮，透明又帶點黏性！皮薄，一睇就知道有好多餡。大約 $5 隻。係物有所值！有四季豆、欖菜之外，仲有肉碎同埋1細粒蝦(咁大把)！ 有欖菜調味，味道唔會差得去邊。果然無錯！係惹味之選，好開胃！四季豆爽口，各樣配合底下，口感豐富！北菇滑雞飯 $18之前，我食過鳳爪排骨飯，當時，只係一兜仔！一個 OL 食都窄窄地，可能呢度想大家幫襯食點心，又可做多啲生意啦！今次，買個北菇滑雞飯試吓。Oh! 終於有成個飯盒嘅 Size ！不過，返到公司一打開個飯盒，真係「雞飛狗走」。完全一 PAT 嘢！我執一執先影返張相見人！一件大北菇片好珍貴，到最尾我先食！都好入味！雞唔係咁滑亦唔係咁"鞋"！算 OK 啦！飯夠哂多汁，唔會乾珍珍，好味！
喺上環都有一間，不過，點心款式不多，久唔久轉吓 Menu !
今次係我第二次幫襯，發覺已經轉咗 Menu !
四季豆欖菜餃 $14
有潮式風味，餃皮係粉果皮，透明又帶點黏性！皮薄，一睇就知道有好多餡。大約 $5 隻。
係物有所值！有四季豆、欖菜之外，仲有肉碎同埋1細粒蝦(咁大把)！
有欖菜調味，味道唔會差得去邊。果然無錯！係惹味之選，好開胃！
四季豆爽口，各樣配合底下，口感豐富！
北菇滑雞飯 $18
之前，我食過鳳爪排骨飯，當時，只係一兜仔！
一個 OL 食都窄窄地，可能呢度想大家幫襯食點心，又可做多啲生意啦！
今次，買個北菇滑雞飯試吓。Oh! 終於有成個飯盒嘅 Size ！
不過，返到公司一打開個飯盒，真係「雞飛狗走」。完全一 PAT 嘢！
我執一執先影返張相見人！一件大北菇片好珍貴，到最尾我先食！都好入味！
雞唔係咁滑亦唔係咁"鞋"！算 OK 啦！飯夠哂多汁，唔會乾珍珍，好味！
Post
