Video
Read full review
2022-06-10
1783 views
呀媽落Order叫我放工去佐敦買糖水，再順便買埋晚餐😅。我預先喺外賣平台App搵定有乜好食，其中「三尖外賣煲仔飯」嘅食物好似唔錯喎，價錢唔貴，又啱食。店舖喺正彌敦道巴士站旁，所以我見有唔少人都買個飯先搭車。店內環境乾淨整齊，食客可以放心👍。廚房地帶有十幾個迷你飯煲整齊排烈，相信同一時間能夠處理多張訂單。小店強調煲仔飯十二分鐘就拎得，佢果然無呃人，時間管理做得好好⏰。基本上大家嚟到就拎得，唔需要追單或呆等。呢度顧名思義主打煲仔飯🍚，大致上分四個類別、共十二款選擇，除咗鰻魚飯之外，其他定價為$55或$58，而$150就有三個。另外仲有兩款小食。黑白胡椒豬肚粒肉餅煲仔飯($55)，🐷肉餅有成五款揀，我諗咗好耐要鹹蛋嗰款定係胡椒豬肚，最終見後者好似特別啲，所以就挑選咗佢。佢無令我失望，胡椒味濃郁，豬肚粒混入喺肉餅之中，煙煙韌韌，幾得意。肉餅好大件兼厚身，食落口感唔錯，夠結實，唔會太淋太爛。佢比我嘅感覺仲有啲似日式漢堡扒，哈哈。滑雞臘腸煲仔飯($58)，🐔雞件有好多嚿，而臘腸亦足成條，鋪滿飯面，一啲都唔孤寒。肉汁滲透於飯裡面，所以呢款飯更為入味。同時，每個煲仔飯均搭配幾條小棠菜。白飯本身亦都幾出
呀媽落Order叫我放工去佐敦買糖水，再順便買埋晚餐😅。我預先喺外賣平台App搵定有乜好食，其中「三尖外賣煲仔飯」嘅食物好似唔錯喎，價錢唔貴，又啱食。
店舖喺正彌敦道巴士站旁，所以我見有唔少人都買個飯先搭車。店內環境乾淨整齊，食客可以放心👍。廚房地帶有十幾個迷你飯煲整齊排烈，相信同一時間能夠處理多張訂單。
小店強調煲仔飯十二分鐘就拎得，佢果然無呃人，時間管理做得好好⏰。基本上大家嚟到就拎得，唔需要追單或呆等。
呢度顧名思義主打煲仔飯🍚，大致上分四個類別、共十二款選擇，除咗鰻魚飯之外，其他定價為$55或$58，而$150就有三個。另外仲有兩款小食。
黑白胡椒豬肚粒肉餅煲仔飯
$55
75 views
0 likes
0 comments
滑雞臘腸煲仔飯
$58
74 views
0 likes
0 comments
原味焗蜆
$48
53 views
1 likes
0 comments
爆炒腸粉($28)，🥢佢呢隻係滑嘟嘟、無蔥、無蝦米，最原始嘅豬腸粉，用豉油黃炒香，味道唔會太鹹，但蛋唔係落咗好多，食落唔太覺。整體未有太大驚喜，而且份量以呢個價來講相對少。
菜脯
36 views
0 likes
0 comments
總括嚟講，我非常欣賞呢間小店👍。除咗食物味道令人滿意之外，老闆亦都著重每一個細節，就例如外賣紙盒經特別設計🥡，可以保溫一個鐘，所以拎到返屋企可以即食，唔使翻熱。如果行經佐敦，大家不妨買一個試吓啊。
Post
