本立堂 (Closed)

差唔多次次去聽福音午餐會都係幫親永樂園，唔想食黎食去都係果度同果幾味，咁o岩見到本立堂外賣自取便當35蚊一客送汽水一罐，每日都有2款優惠，是日係星期二，有吉列豬扒飯同醬油拉麵揀，我同同事都係食吉列豬扒飯。我訂左12:45PM自取，我都差唔多成1點先開始食，當初我擔心D吉列豬扒會同唔脆，尤其係用飯盒載，D蒸氣令吉列豬扒變軟晒，幸好食果陣，吉列豬扒仲好香口、好脆，D吉列脆皮冇好似居酒屋和民咁，一夾就散。本立堂仲提供D汁醬蘸豬扒同生菜絲，但佢地係用好迷你的袋仔袋住D汁，又冇封實袋口，D汁醬一攞出黎已經成手係汁，非常不合衞生，我相信盛載容器係可以改善。蘸左豬扒汁令吉列豬扒味道更可口、突出其味道。生菜絲落左沙律醬，生菜更清新、更清爽。整份便當份量尚可接受，飲埋罐汽水即刻飽晒! 下次再encore~