Video
Read full review
2020-07-21
1162 views
疫情越嚟越嚴重 如非必要都唔會出街食餐餐都係自己煮 但係食得多都會悶上網比我見到喜記呢個超抵嘅海鮮套餐 仲要送上門免運費住新界地區佢都肯送 嚟到仲係熱辣辣嘅😍七餸一麵同汽水四罐 有龍蝦有蟹有蜆除返開都係每人三百幾 呢個價錢去茶樓食都未必得 好抵！而且屋企有老人家同小朋友 佢哋胃口冇咁大 所以五六個人食都夠-#龍蟹宴B ($1488 - 4位)#喜記正宗炒辣蟹話明係餐廳嘅招牌菜 果然冇令人失望 蟹肉鮮甜同肥美 炒得有鑊氣 香料同蒜蓉都好香而且唔會過鹹 拆開蟹鉗 會見到蟹肉雪白色 每食一啖都充滿避風塘嘅香味 最出色嘅係經過猛火炒但係保持多汁-#椒鹽波士頓龍蝦仲有得揀蒜蓉粉絲蒸龍蝦 不過我覺得椒鹽吸引啲 龍蝦肉質爽甜 椒鹽嘅鹹香更加突顯龍蝦嘅鮮美同多汁-#蒜蓉粉絲蒸北海道扇貝唔鍾意食呢個嘅話可以揀豉椒炒蟶子王 一樣有四隻 每人一隻啱啱好粉絲煮得入味 軟身 老人家都啱食 扇貝蒸完但係肉質仲好彈牙 面頭嘅豉油汁令到成個菜式惹味啲-#豉椒炒大蜆用左大大隻嘅沙蜆 全部開晒口而且冇夾雜砂粒 食落厚肉唔黏牙 比起花甲更加鮮甜 用黎餸飯一流-#椒鹽鮮魷每次去大牌檔都一定會叫碟椒鹽鮮魷炸到酥香嘅魷魚 加埋蒜
餐餐都係自己煮 但係食得多都會悶
上網比我見到喜記呢個超抵嘅海鮮套餐 仲要送上門免運費
住新界地區佢都肯送 嚟到仲係熱辣辣嘅😍
七餸一麵同汽水四罐 有龍蝦有蟹有蜆
除返開都係每人三百幾 呢個價錢去茶樓食都未必得 好抵！
而且屋企有老人家同小朋友 佢哋胃口冇咁大 所以五六個人食都夠
-
#龍蟹宴B ($1488 - 4位)
#喜記正宗炒辣蟹
話明係餐廳嘅招牌菜 果然冇令人失望 蟹肉鮮甜同肥美 炒得有鑊氣 香料同蒜蓉都好香而且唔會過鹹 拆開蟹鉗 會見到蟹肉雪白色 每食一啖都充滿避風塘嘅香味 最出色嘅係經過猛火炒但係保持多汁
-
#椒鹽波士頓龍蝦
仲有得揀蒜蓉粉絲蒸龍蝦 不過我覺得椒鹽吸引啲 龍蝦肉質爽甜 椒鹽嘅鹹香更加突顯龍蝦嘅鮮美同多汁
-
#蒜蓉粉絲蒸北海道扇貝
唔鍾意食呢個嘅話可以揀豉椒炒蟶子王 一樣有四隻 每人一隻啱啱好
粉絲煮得入味 軟身 老人家都啱食 扇貝蒸完但係肉質仲好彈牙 面頭嘅豉油汁令到成個菜式惹味啲
-
#豉椒炒大蜆
用左大大隻嘅沙蜆 全部開晒口而且冇夾雜砂粒 食落厚肉唔黏牙 比起花甲更加鮮甜 用黎餸飯一流
-
#椒鹽鮮魷
每次去大牌檔都一定會叫碟椒鹽鮮魷
炸到酥香嘅魷魚 加埋蒜頭呀乾蔥等等 香口嘢小朋友超鍾意食
惹味嘅椒鹽配爽口彈牙嘅鮮魷 如果有啤酒就好啦🙈
-
#菠蘿咕嚕肉
有時天氣熱到令人冇乜胃口 所以酸酸甜甜嘅咕嚕肉就啱晒 咕嚕肉唔會好厚粉
-
#蒜蓉炒時蔬
食咁多海鮮點都要有返啲蔬菜平衡下
用蒜蓉炒 香得黎又有營養 菜都好新鮮
-
#招牌蟹油炒麵
原本我唔鍾意食炒麵 但係加埋蟹油成件事唔同晒
麵條炒到爽口乾身唔油膩
-
📍 #喜記蟹將軍
尖沙咀彌敦道63號iSQUARE國際廣場6樓602號舖
Post
