餃掂手工餃子雲吞專門店

宜家買外賣好多時賣相都差少少，但之前聽同事講話呢間餃掂嘅外賣餃子無論賣相同味道都唔錯。今日就首嘗一次。是日選擇湯餃套餐（$88），前菜揀左手拍青瓜，開胃涼菜，又夠健康。青瓜爽脆。我就揀左椰菜雲耳豬肉餃。就算係湯餃，黎到依然係餃子嘅形狀，因為個湯係分開上嘅！餃子最重要係皮薄餡靚，呢度完全做到啊。味道正常唔會有雪藏味。飲品揀左雪梨水，好似話雪梨係抗疫，真係飲多啲先得。呢個飲品要加$12，可以凍可以熱。