Beer & Fish (Closed)

住大埔的朋友知我鍾意食Fish and Chips，知道舊墟直街開左一間小店後，便邀約我一試。店外遠處已經見到啤酒杯加魚的Logo，好得意。店內格調很Chill，牆上有款款推介。食炸魚的地方又點可以無啤酒呢？手工啤酒的Menu長長，隨意點了一款。甘甘的好refreshing。啤酒杯是特配的，又有魚仔Logo，頗具玩味。除左炸魚，仲有炸蝦等等，拼盤好有彈性，都係一百數鬆dd。炸魚一份有三件，大大件長長的。炸粉薄薄的，唔太厚唔痴牙。表面脆脆的唔油膩。薯角亦香脆，新鮮炸起。醬汁可以自選，而我最鍾意就係蜜糖芥末，甜甜地又有少少辣。炸魚皮同樣出色，香脆爽口。店員介紹左一款小食，叫「豆茸」。個人覺得味道有點古怪，但朋友就食得停唔到口。芝士扭紋粉係另一款驚喜食品。講都唔信，十分簡單的配搭，滿滿芝士鋪滿扭紋粉表面，焗到熱一熱，就係甘簡單。但效果又出奇地好食，我諗芝士同熱度都係key point。呢款簡單小食，全晚竟然比我地encore左兩次。靜靜的小酒吧，啤酒、炸魚、薯條，會另人忘記煩惱，享受當下。飲飽食醉，每人都係三百有找，或者這是新界舊區的獨有福氣？