天空虎嘯

Open Now

Now Closed

舅父今晚從外國過嚟香港參加婚禮，就諗住過幾日帶佢去食啲香港嘅美食。啱啱諗起位於天后有間【天空虎嘯】，食物嘅味道唔錯，而且環境都好舒服，舅父肯定會鍾意！啱啱係週末，店裡好多人，大家都食得好開心，想必食物肯定好好食！【日式京蔥醬油配本地雞】本地雞完全吸收咗日式京蔥醬油嘅精華，特別香甜好食，仲帶有淡淡嘅香氣，我個人特別鍾意😘【法國野生深海白鱈魚】舅父話呢個係佢食過最特別嘅白鱈魚，魚肉特別鮮美，仲帶有淡淡嘅海洋味，每一口都好滿足！【阿拉斯加長腳蟹】味道真係好正啊，蟹肉仲特別多，我同舅父食得好爽啊🥳【鮮北海道北寄貝】呢個係我人生中第一次試，就愛上嘅食物😍 兩顆超大嘅北寄貝，有著獨特嘅味道，入口即化，下次嚟仲要再食！【龍蝦湯蒸蛋配蟹肉】最驚艷最好食嘅一定係呢道菜！味道甜甜嘅，特別令我哋開胃🤤舅父特別中意呢度嘅食物，仲話下次可以帶埋朋友一齊嚟食！