木馬工房

Open Now

Now Closed

搬咗嚟呢邊，買完餸，又唔想煮飯，見到呢度有間木馬工房，裏面有唔同種類嘅餐廳，就可以叫外賣，等我今晚偷懶，叫雞飯返去食先。去到就俾呢間外婆雞飯吸引，可能我鍾意食雞，而且佢有唔同款式選擇，乾淨企理，就算唔買飯，買隻雞返去加送到一流！海南雞飯：呢個海南雞飯啲雞好滑，啲雞全部冇骨，啖啖肉，好正！加埋海南雞三寶醬汁，將雞嘅鮮味提升，又可以食到唔同嘅味道，食得好開心。口水雞飯：口水雞飯隻雞好惹味，雞肉又厚又多汁，送飯食真係一流，令我都食唔停口。涼拌雲耳海蜇：呢個係一道清爽開胃嘅涼菜，海蜇夠彈牙，雲耳夠爽脆，加埋啲醬汁酸酸地，非常醒神開胃。