新昌士多

Open Now

Now Closed

地質公園一天遊今日特登黎東坪洲觀賞沉積頁岩同佢獨特地貌, 中午就去左呢間士多食個午餐, 體驗下外島食海鮮既風味。士多係類似大牌檔既形式經營, 但係比出面既乾淨好多, 而且每張台都放左枝花 。我地叫左: 椒鹽鮮魷 / 千層腐皮卷 / 醬炒海螺 / 揚洲炒飯椒鹽鮮魷 :   炸粉唔厚, 炸出黎唔油, 魷魚食得出唔係急涷, 有少少魷魚味同幾淋。好食過而家酒樓啲出品。腐皮卷: 以為係蝦腐皮卷, 點知真係如其名— 千層腐皮                   外面係煎脆左既腐皮, 入面包住係蒸過既腐皮, 好有腐皮味又可以食到唔同既層次。海螺 :   一般, 配菜反而好食。炒飯:    飯粒粒分明, 有鑊氣之餘飯粒唔乾, 如果蛋味多啲更好以一個交通非常不便情況下, 部份菜色比外面一般酒樓更好已好難得, 而且價錢一啲都唔貴。值得推薦。