Video
Read full review
2024-08-29
647 views
之前已經食過東港城分店，仲有好多款式想試，今日過開嚟河畔，當然要再嚟幫襯依間咁過癮嘅原創外星人主題燒肉店啦，用列車送餐係非常方便嘅送餐方法，不過已經唔係壽司店獨有，依間香港首間路軌燒肉餐廳亦都有用列車送餐，呢種方法又方便又安全，有得玩又有得食，真係Happy😍餐牌仲勁多選擇，豐儉由人🙂青梅酒 $58青梅酒又香又濃，加入碎冰，飲落唔會太甜啱啱好，仲要放咗粒梅喺杯酒裏面，可以又飲又食，大滿足🈵️日本宮崎A5和牛臀薄燒套餐 100g $168，包括左100g嘅宮崎和牛臀，跟餐仲有沙律同湯，和牛臀油脂分布好平均，沙律菜🥗好fresh，可以用嚟夾住啲和牛臀嚟食，紫菜溫泉蛋飯超正，仲要100g 200g 300g都只係加$15，好抵😂牛小排 50g $55牛小排牛味好重，肉質鬆化，只要輕輕燒一燒兩邊，夾塊生菜一齊食，簡直係完美組合😍肩胛牛柳 50g $28肩胛牛柳比牛小排厚身少少，食落有口感，唔會韌，牛味濃郁😋魷魚下足 100g $28一路燒一路滲出好香嘅魷魚味， BBQ魷魚真係冇得彈，魷魚已調味，燒完可以即食，太正啦😍日本番薯 $20番薯薄切，驟眼睇以為係日本蘋果切片，番薯🍠燒完有陣燴番薯香味，香
之前已經食過東港城分店，仲有好多款式想試，今日過開嚟河畔，當然要再嚟幫襯依間咁過癮嘅原創外星人主題燒肉店啦，用列車送餐係非常方便嘅送餐方法，不過已經唔係壽司店獨有，依間香港首間路軌燒肉餐廳亦都有用列車送餐，呢種方法又方便又安全，有得玩又有得食，真係Happy😍餐牌仲勁多選擇，豐儉由人🙂
青梅酒 $58
青梅酒又香又濃，加入碎冰，飲落唔會太甜啱啱好，仲要放咗粒梅喺杯酒裏面，可以又飲又食，大滿足🈵️
日本宮崎A5和牛臀薄燒套餐 100g $168，包括左100g嘅宮崎和牛臀，跟餐仲有沙律同湯，和牛臀油脂分布好平均，沙律菜🥗好fresh，可以用嚟夾住啲和牛臀嚟食，紫菜溫泉蛋飯超正，仲要100g 200g 300g都只係加$15，好抵😂
牛小排 50g $55
牛小排牛味好重，肉質鬆化，只要輕輕燒一燒兩邊，夾塊生菜一齊食，簡直係完美組合😍
肩胛牛柳 50g $28
肩胛牛柳比牛小排厚身少少，食落有口感，唔會韌，牛味濃郁😋
魷魚下足 100g $28
一路燒一路滲出好香嘅魷魚味， BBQ魷魚真係冇得彈，魷魚已調味，燒完可以即食，太正啦😍
日本番薯 $20
番薯薄切，驟眼睇以為係日本蘋果切片，番薯🍠燒完有陣燴番薯香味，香甜好味😍
日本南瓜 $28
日本南瓜薄切，只要燒1分鐘反轉再燒1分鐘，食落好重🎃味，食完燒肉食返啲蔬菜類，感覺好健康😅
水冷麵 $48
食完燒烤之後，整返個水冷麵係最佳選擇。 佢哋嘅日本水冷麵係來自岩手縣盛崗，麵質彈牙有咬口，入面有青瓜條🥒，白蘿蔔條，泡菜，雞蛋🥚，配上酸酸地嘅冷麵汁，最有心思就係放咗兩塊好清甜嘅西瓜🍉，成碗麵顏色鮮艷，呢個真係必點，食完個人爽晒，係好好嘅冰火體驗😍
香港嘅燒肉店林林總總，以本地品牌EaT燒肉嚟講，堅持用高質食材，服務質素亦都好好，最重要係路軌送餐真係好有趣，成間餐廳充滿玩味，好期待送餐果一刻，擰定電話拍片，大人細路都好開心，下次一定要再嚟🥰
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺🩺
EaT燒肉
沙田大涌橋路20-30號河畔花園地下19-20號舖
📍沙田圍港鐵站C出口9分鐘路程
#healingbobo #foodie #hkfoodie #foodiehk #香港 #美食 #Shatin #沙田 #河畔花園 #燒肉 #外星人 #UFO #外星人燒肉 #香港食好嘢 #沙田食好嘢 #沙田餐廳 #韓式燒肉 #eat_tabeyo #EaT燒肉
Post
