EaT燒肉

Open Now

Now Closed

EaT燒肉我已經去過好多次，絕對係沙田隱世高質燒肉店，我鍾意呢度食燒肉因為性價比高，而且店內用咗外星人主題夠特別，仲有UFO送餐概念，打卡影相正呀！平日晚上座無虛席，好彩我哋有book位～極上宮崎A 5和牛套餐包括有；肩胛肉眼心、上等牛肩胛、肩胛腋板。肉嘅份量有兩個選擇，我哋揀咗份量多嗰個 200g。跟餐仲有泡菜＆和風湯，另外白飯我哋就升級要咗紫菜溫泉蛋飯300g，非常豐富。宮崎A5顏色鮮艷，脂肪霜降比例均勻，口感緊緻滑順，霜降均勻散佈係肉間，脂肪豐富，口感清爽不油膩，入口即溶～我哋仲追加咗牛小排、牛舌心、牛五花～牛舌心厚切，口感極佳，牛肉味香濃～豐富的一餐大滿足！