Video
Read full review
2015-07-08
4569 views
今日朋友生日, 話想黎依間食佢個蜜瓜冰，大家無乜意見就決定去喇。六點鐘到左，仲有好多位但係未齊人，waiter好好人畀我照拎左飛先，齊人先同佢講，因為依到好似有限時食90分鐘。結果其他朋友遲收工，7點先齊人，已經成間舖full哂。等左陣，將2張2人枱拍埋畀我地5個人坐，都唔係話好逼，不過野食到嘅時候無乜位放。我地5個女仔叫左5杯4款野飲。野飲好快到。我叫左杯青檸&檸檬麗塔，一黎到望落好有層次感，個個都忍唔住要試啖。連唔飲啤酒嘅朋友都覺好飲，無乜啤酒味，不過最後無哂冰就得返啤酒味。仲有個朋友叫左西柚麗塔，可惜果日無apple cider，所以轉左一樣嘅啤酒，不過就覺得啤酒同西柚嘅配搭就無咁夾。其他朋友就叫左曲奇沙冰同芒果沙冰，無乜特別，正常沙冰。牛肉紫菜飯卷同炸醬麵都好快上枱，已經等唔切影相食左啲先 。紫菜飯卷都每人分倒2舊，味道都唔錯，不過都正常野。炸醬麵汁好多好夠，食哂麵之後朋友仲係咁食啲汁，清乾淨先畀人收走。岩岩好食完麵，外星人炒年糕就到 。上枱嘅時候oppa會走過黎幫我地剪炸魷魚，剪完大家都忍唔住動手，但係其他野食都未熱，有朋友食左炸魷魚話好好食，即時條魷魚就被分屍了
六點鐘到左，仲有好多位但係未齊人，waiter好好人畀我照拎左飛先，齊人先同佢講，因為依到好似有限時食90分鐘。結果其他朋友遲收工，7點先齊人，已經成間舖full哂。等左陣，將2張2人枱拍埋畀我地5個人坐，都唔係話好逼，不過野食到嘅時候無乜位放。
我地5個女仔叫左5杯4款野飲。
野飲好快到。我叫左杯青檸&檸檬麗塔，一黎到望落好有層次感，個個都忍唔住要試啖。連唔飲啤酒嘅朋友都覺好飲，無乜啤酒味，不過最後無哂冰就得返啤酒味。仲有個朋友叫左西柚麗塔，可惜果日無apple cider，所以轉左一樣嘅啤酒，不過就覺得啤酒同西柚嘅配搭就無咁夾。其他朋友就叫左曲奇沙冰同芒果沙冰，無乜特別，正常沙冰。
牛肉紫菜飯卷同炸醬麵都好快上枱，已經等唔切影相食左啲先 。紫菜飯卷都每人分倒2舊，味道都唔錯，不過都正常野。炸醬麵汁好多好夠，食哂麵之後朋友仲係咁食啲汁，清乾淨先畀人收走。
岩岩好食完麵，外星人炒年糕就到 。上枱嘅時候oppa會走過黎幫我地剪炸魷魚，剪完大家都忍唔住動手，但係其他野食都未熱，有朋友食左炸魷魚話好好食，即時條魷魚就被分屍了 ，個人覺得魷魚要即刻食先好味如果唔係淋左無咁好食。跟住等呀等，中間一直忍唔住夾啲黎食，終於啲野開始熱，圍邊四樣野係炒蛋，芝士薯蓉，肉丸同個幾好食嘅唔知咩丸。薯蓉一定要等熱左先食，因為熱左芝士先溶埋落薯蓉到，好好食，對住薯蓉個朋友係咁食，應該有3分1都係佢食嘅。我唔係好食得辣，一食個年糕覺得好辣，要飲野，不過辣得黎好好食 。美中不足嘅係年糕入面啲菜一直都唔淋，個個都唔食所以淨返哂。
由於有2個大胃王朋友係到，覺得唔夠食所以叫埋個奶油麵包意大利粉，個汁係幾好味，不過個包好dry，每人分左啲粉就由2位大胃王分左個包佢。如果唔係唔夠食又無乜野好揀都未必揀佢，其實有諗住叫芝士豬肋骨，不過有人覺得貴所以叫意大利粉。
最後上重點甜品，可能大家太大期望，反而覺得普通。感覺就係好凍，朋友話蜜瓜唔係好甜，個冰唔落練奶無乜味，條雪條就係7仔買倒果條蜜瓜雪條。份量都幾大，2個人食嘅話可能唔洗點食其他野。5個女仔食都幾飽嘅，如果無大胃王係入面嘅話。不過叫麵包之前大胃王有表示要落去掃街，最後應該係無嘅。Total連埋加一食左一千一百幾。
Other Info. :
朋友表示老闆oppa同waiter oppa都幾靚仔，其實女waitress都幾靚女。
(The above review is the personal opinion of a user which does not represent OpenRice's point of view.)
Post
