Pizza Piazza

Open Now

Now Closed

座落在長沙灣/荔枝角一帶嘅食肆，午巿大部分都係喺周邊工商區嘅人士。作為一個打工仔，1小時午飯時間極珍貴。大約中午12:08分到，第2枱客。12:10已落單，叫了2個午餐，一份薯條。飲品一早到，杯咖啡….千祈唔好試！飲左一啖，然後一直等…等…等….全場坐滿，除了第一枱客的一個pizza出到，其他人一直在等。到12:50終於上到第一份餐：辣肉腸凱撒沙律。等了40分鐘，終於有一份應該可以一早預備好材料，上碟就可以出嘅食物。第二份午餐係千層麵。賣相唔錯，但….外面係暖的，入面，係！凍！的！根本未煮好。已到下午1時，放棄了薯條。侍應態度我唔多作comment. 總之，冇乜態度，冇乜表情，冇乜回應。或者因為太多外賣單，看著一份份外賣餐出，堂食的只有等。咁冇誠意，何不直接只做外賣單？肯定冇下次。