生記鮮魚湯米線 (Closed)

男友今天帶我遊永利街, 同時, 嘗盡中上環美食, Honey 謝謝你! 一踏入上環, 即時到生記鮮魚湯米線叉叉電。這兒的米線勁大碗, 好飽, 如果大家想試多d 中上環美食, 建議大家叫細碗, 以免太飽。湯底是濃濃的魚湯, 不加味精, 很有鮮魚香味。我們點了:順德魚腐魚湯米線($25)我未食過正宗的順德魚腐, 唔知佢正唔正宗, 但真係好好食, 魚腐很大粒, 魚腐皮夠薄, 炸得又脆, 內裡又軟, 彈牙, 又有魚味, 咬落有口感。金牌豬腩肉魚湯米線($25)賣相好吸引, 但真係少食多滋味, 因為豬腩肉既肥瘦比例係73, 應該都幾肥, 但就係因為佢夠肥, 所以很香很入味, 久不久吃一次也不錯, 令人回味無窮。