貝克男孩 (Closed)

在台灣大受歡迎的墨西哥包店Baker's Boy終於嚟香港啦！仲要喺咁近嘅坑口，當然要去試下啦~去到見到花生味冇哂，超失望！問嗰店員仲有冇花生味，點知佢話有，仲係新鮮出爐嫁！於是我買咗一個迷你花生味($4)，一個迷你朱古力味($4)和一個迷你咖啡味($4)。啱啱出爐嘅花生味熱辣辣，兼外脆內軟，係我食過最好味嘅墨西哥包！！加上佢表面有好多花生粒，嗰層曲奇脆皮仲有好濃郁嘅花生味，咁係因為啲曲奇皮漿係由馬來西亞總店運嚟的！另外嗰兩個番到屋企已經攤凍咗，所以冇咁脆。朱古力味味道唔濃，冇咩特別，有啲失望。但係咖啡味就算凍咗都十分濃郁，甜甜的咖啡味，即使唔好咖啡嘅我都立刻愛上，果然係這店嘅招牌口味！