Haven (Closed)

嚟到呢間外表平凡嘅餐廳，估唔到佢啲嘢食都好有水準。首先頭盤食咗個蕃茄水牛芝士，芝士夾住啲蕃茄唔會覺得膩。之後食咗個蕃茄煮青口有少少辣味。個龍蝦湯好濃郁亦都有唔少嘅肉。跟住就食佢嘅威靈頓羊扒， 店員介紹五成熟果然煮得啱啱好， 食落口味道好香好濃沃， 原來佢焗嘅時候放咗鵝肝，個威靈頓仲要係即叫即做。跟住甜品食咗個朱古力蛋糕同埋檸檬撻， 個朱古力蛋糕唔甜好有朱古力味，最唔鍾意啲甜品淨係得個死甜。 個檸檬撻都好清新。總體嚟講佢嘅味道好好價錢亦都相當之合理性價比極之高。