半糖主義 (Changed Hand) New Restaurant

半糖主義喺堅尼地城， 由地鐵站行過去其實三、四分鐘就過到去， 離巴士總站就更加近添， 一分鐘就到。 半糖主義餐廳唔算太大，但係亦都有一列嘅卡座，同埋幾張細嘅枱仔， 而且仲有書、同埋棋可以畀客人等嘢食嗰陣打發時間。今日叫咗幾款甜品士多啤梨拿破崙65一層疊一層嘅拿破崙酥皮中間滲出淡淡牛油嘅香， 而中間嘅吉士醬味道適中，士多啤梨係新鮮嘅， 唯一美中不足的係士多啤梨唔算十分甜。原味梳乎厘班戟 65非常欣賞店家的誠意 ，梳乎厘即叫即製， 由落order到送上枱都大概要20至25分鐘， 梳乎厘質輕而蓬鬆，外表輕盈，騰騰震，食落口感軟綿綿。 其實喺度食好過出去尖沙咀食，又唔使排隊又坐得舒服。桃膠蓮子燉奶 45桃膠蓮子燉奶以原盅上檯， 即叫即燉， meiji牛奶 細滑甜美，散發出陣陣濃香的奶味， 桃膠份量非常多 ，新鮮蓮子甜中帶點苦， 喺呢個寒冷嘅冬天食完更覺 滋補。桑寄生蓮子蛋茶 28祛濕、降血壓， 甜而不膩，是款健脾益腎的甜品。