Video
Read full review
2012-12-11
962 views
呢度嘅蛋糕我覺得係全香港最靚, 但童話故事背後往往與現實不符。首先門面唔得, 其實好浪費, 因為大大隻字無論font同color scheme都唔襯, 但開門位隻蝴蝶真係好用心嘅設計, 同室內一隻七色蝴蝶首位呼應, 更能夠同店內所有蝴蝶造型蛋糕配合, 連地磚都用心去mix and match, 如果改改出面個Logo(+slogan) 一定會變得完美。店內除咗個Banana x似海膽壽司同埋寫滿字嘅大蛋糕唔多雅觀外, 全部蛋糕嘅外表都經過精彫細刻, 明顯經過多次改進得來的結果, 因為朋友生日曾經買過一個有幾隻蝴蝶嘅蛋糕, 如果鐘意食嘅朋友一定知道, 芳間嘅cakeshop嘅蝴蝶大部份都係單色, 或者噴漸變色, 不單厚薄不一有啲更出現斷裂, 而B’s嘅蝴蝶簡直可以放係頭上當頭飾。我好記得有個蛋糕表面只係白色一片, 但內裡卻隱藏著七色彩虹, 好有內涵。 設計方面絕對是一等一, 只不過手工方面例如講修邊一定不及Paul lafayet, 而elegant又唔夠harlans cakeshop, 但顏色槍眼度Bs必是一哥; 感覺似玩具又像花裙上的accessories, 沒有草間小姐那麼浮誇但
首先門面唔得, 其實好浪費, 因為大大隻字無論font同color scheme都唔襯, 但開門位隻蝴蝶真係好用心嘅設計, 同室內一隻七色蝴蝶首位呼應, 更能夠同店內所有蝴蝶造型蛋糕配合, 連地磚都用心去mix and match, 如果改改出面個Logo(+slogan) 一定會變得完美。
店內除咗個Banana x似海膽壽司同埋寫滿字嘅大蛋糕唔多雅觀外, 全部蛋糕嘅外表都經過精彫細刻, 明顯經過多次改進得來的結果, 因為朋友生日曾經買過一個有幾隻蝴蝶嘅蛋糕, 如果鐘意食嘅朋友一定知道, 芳間嘅cakeshop嘅蝴蝶大部份都係單色, 或者噴漸變色, 不單厚薄不一有啲更出現斷裂, 而B’s嘅蝴蝶簡直可以放係頭上當頭飾。我好記得有個蛋糕表面只係白色一片, 但內裡卻隱藏著七色彩虹, 好有內涵。
設計方面絕對是一等一, 只不過手工方面例如講修邊一定不及Paul lafayet, 而elegant又唔夠harlans cakeshop, 但顏色槍眼度Bs必是一哥; 感覺似玩具又像花裙上的accessories, 沒有草間小姐那麼浮誇但有Wayne Thiebaud的用色活潑, 略略棄包裝上的絲帶太花, 其實餅盒設計不錯已經夠花, 絲帶用單色已經足夠。
留意下餅底張嘢就知有幾細心, 一張成本不過幾毛錢嘅單色印刷, 令某幾款比較平煩嘅蛋糕變得突出, marketing聰明得很。
今次買嘅蛋糕特顯咗Bs嘅問題, 就係結構同味道:
先講味道: 從頂層起說, Macaron香脆但甜得過份, 無客人食餅係從底食起, 這麼一來你一羹插落個macaron度, 食完之後我肯定下面你食乜都無晒味, 可惜。就算你直插橫切面解體去食, 即macaron同蛋糕一齊食, 味道一樣被macaron蓋過七七八八。其實上層Raspberry Jelly少許過酸過甜的設計好有心機, 因為佢預你連下面一齊食, 那麼酸甜度就剛好, 下層嘅Cream同Mousse好香好滑, 無論質感同酸甜度控制都好完美。
至於結構問題其實好簡單, 蛋糕唔夠Sponge, 除非mousse好硬, 否則一定塌。 cakeshop外賣我相信佔過半, 由你買餅到翻到屋企之間, 以而家mousse同差不多無Sponge嘅比例嚟計, 加上蛋糕本身向高空發展, 唔塌機率低, 所以我特登擺啲文件落去加固, 以免側手翻, 才能夠安全影相。一張咁薄嘅透明膠係無可能包得實一個設計出現問題嘅蛋糕。
本身Monochromatic嘅用色我喜歡到極, 但味道同結構比外表其實來得更基本, 簡單講唔好食同企唔穩就幾靚都無意思。 如果Bs嘅設計師搞時裝, 我會買晒你啲衫。
Post
