Video
Read full review
2017-06-24
99 views
呢日返完大學聽講座，夜晚6點左右坐一個站到堅尼地城食晚飯。朋友一早訂了位，所以餐廳都預留左張枱比我地。走到餐廳內，見到好多表情可愛的熊啤啤同小白兔公仔，頓時開啓了"港女mode" (狂影相!!)。裝修走高檔休閑路線，雲石枱配白雲燈，加上每一枱都係梳化櫈，枱面放有燭光，既有情調亦舒適。坐底無幾耐，見到有一家大細黎食飯，小朋友見到咁多得意公仔，聽到佢即刻話要揀有cushion既位坐😂！前菜: 海膽蟹肉牛油梨芒果他他 ($98)一揭開餐牌，無諗過呢間貌似cafe賣既食物會咁高檔，而第一樣令我雙眼發亮既就係呢個他他！以牛油果蓉、芒果粒同羽衣甘藍做底，口感非常軟滑。利用芒果既酸甜同羽衣甘藍既清新中和左牛油果既飽濟感，係別有心思既做法。中層鋪上滿滿的蟹肉，有咸鮮味之餘，肉質更是爽口。上層以沙律菜墊底，鋪上矜貴的兩樣食材: 海膽同黑松露，為他他提升色香味。海膽鮮甜，份量大概有一行咁多，絕對比得上價錢，不過個人會偏好用加拿大海膽，口感應會較佳！令我非常欣賞的是，伴碟不但美觀，而且味道配合使用的食材。碟的四周淋上了黑醋橄欖油，比客人伴沙律菜食; 另外再加了脆卜卜的魚子，實在係令人齒頰留香。 小食: 燒蒜
坐底無幾耐，見到有一家大細黎食飯，小朋友見到咁多得意公仔，聽到佢即刻話要揀有cushion既位坐😂！
前菜: 海膽蟹肉牛油梨芒果他他 ($98)
一揭開餐牌，無諗過呢間貌似cafe賣既食物會咁高檔，而第一樣令我雙眼發亮既就係呢個他他！以牛油果蓉、芒果粒同羽衣甘藍做底，口感非常軟滑。利用芒果既酸甜同羽衣甘藍既清新中和左牛油果既飽濟感，係別有心思既做法。中層鋪上滿滿的蟹肉，有咸鮮味之餘，肉質更是爽口。上層以沙律菜墊底，鋪上矜貴的兩樣食材: 海膽同黑松露，為他他提升色香味。海膽鮮甜，份量大概有一行咁多，絕對比得上價錢，不過個人會偏好用加拿大海膽，口感應會較佳！
令我非常欣賞的是，伴碟不但美觀，而且味道配合使用的食材。碟的四周淋上了黑醋橄欖油，比客人伴沙律菜食; 另外再加了脆卜卜的魚子，實在係令人齒頰留香。
小食: 燒蒜蓉生蠔 ($40/隻)
從未試過燒蒜蓉的食法，就叫左一隻試。又一道令我喜出望外既野食，焗過既蒜蓉十分香口無苦味，裏面既生蠔依然係生食既口感，無縮水，好感動！
滋味小食: 小食拼盤 ($88)
拼盤有薯條、4件切件炸軟殻蟹同4隻BBQ雞翼。
薯條粗幼適中，上有黑椒和鹽花，而精粹當然係曬醬汁之上！醬汁除左有茄汁，仲有牛油果醬同黑松露沙律醬！！個人認為，薯條點黑松露沙律醬係絕配的。
炸軟殻蟹件有蟹膏，但略嫌炸醬有點硬，凍左無咁好食。我鐘意將炸軟殻蟹點牛油果醬，因為牛油果醬帶點酸，開胃！
雞翼同樣的惹味，BBQ醬重口味，但同樣略嫌雞皮凍左有點韌，不過味道很不錯！
主食: 明太子意大利麵配海膽 ($158)
個白汁非常非常豐富又香濃，明太子更係海量咁落係個汁之中; 意粉彈牙，烚既時間岩岩好，每啖都雪雪聲咁食！主角海膽同樣都係無苦無腥味，咁既價錢絕對係良心價。
總結黎講，L'attitude係食物味道同質素、擺盤、份量，各方面都超曬班！價錢不貴，但可以食到高級西餐的質素，係難得一見的好餐廳！
Post
