舍 (Closed)

由於朋友唔係好鍾意食甜既high tea關係，同時發現左呢一間點心high tea, 就即刻同朋友book黎食🥰🥰今次的清新夏午茶的價錢 HK$388兩位，包含兩位的茶或者淨啡！但我同朋友都想飲其他野，就決定加錢要杯latte同Cappuccino！清新夏午茶包含五款點心及四款甜點五款點心包括香檳金蝦餃，上湯金魚餃，雜菌手袋酥，花之戀及松露野菌餃。而四款甜點則包括玫瑰馬豆糕，迷你燕窩蛋撻，流心蘿蔔仔及蘋果流沙包！每款點心外表真係好精美，亦都好適合打卡！但是可能當日天氣有點凍的關係，好多款點心嚟到嘅時候已經凍咗，有酥皮嘅蛋撻都已經唔脆，所以食落口就覺得味道麻麻地！