Fruttato Gelato (Closed)

《怪獸外貌協會系列》🚶👫🚶👬🚶👭🚶👪旺角人多到，買杯野飲都要排長長龍。行到去好景個頭真係L好口喝，原本想去飲🍹隔離綠色個間既但係實在係太多人，見到呢間野靚靚地又唔使排隊唔理就9衝左入去。佢地既Gimmick就係呢排流行既蝶豆花喇🌿，蝶豆花本身係藍色，佢既顏色睇落有D神奇，非常吸睛👀好好運用既話，真係一杯又睇得又飲得既飲品🔮🍦Fruttato Gelato係本地薑雪糕品牌🍨，今次襯大熱都推出左藍蝶花系列飲品，外貌協會既野獸揀左藍蝶洛神椰子。由藍色、白色到玫紅色既漸層，飲呢種飲料最過癮係享受變色的過程，欣賞美麗變化。🌾形容完外表，不如講下佢既內在😝一啖入口，係新鮮既椰汁，可惜既係椰汁同洛神花係完全唔夾既😢😢飲落去就十足十一杯酸左既椰汁，你話你飲唔飲得落去❓❓❓底層加入🌺洛神花汁係非常杰身既漿狀物，怪獸試圖將飲筒抽起避開洛神花汁，感覺有比較良好😶😶靚係無罪既，不過唔夾始終係唔夾。