Video
Read full review
2021-01-24
1901 views
要farewell朋友，所以特登揀咗呢一間名氣極高嘅下午茶Teaset 試吓，程序非常簡單，只要上網打餐廳名，咁入去揀外賣二人下午茶套餐，就得，承惠698。先講講佢嘅外貌，我覺得外賣盒十分高檔，有兩層，打橫開，一次過可以看晒所有食物。因疫情關係，先後試過幾間頂級酒店嘅外賣下午茶。有四季酒店嘅下午茶，grand Hyatt 及依間。先試一試佢嘅鬆餅，味道ok,就是果醬沒有太大特色，提供了士多啤梨味及橘子. 本人覺得四季酒店嘅鬆餅或半島的較好味，Cream cheese及玫瑰果醬勝一籌。鹹點：青瓜蟹肉卷，三文魚三文治，生牛肉黑松露三文治及青豆松露撻。這四款鹹點配搭高檔，味道也好好味，足料，各具特色。甜品：一打開盒子，看見有六件蛋糕，基本上佢喺餐廳蛋糕櫃，攞咗六件嘅蛋糕出嚟。如果每件$78咁計，依6件蛋糕都值$480！所以性價比十分之高。睇吓你係唔係好鍾意食甜點，基本上一人食一件都太飽啦，因為份量實在太大。當我哋食到第二第三件嘅時候，更好味嘅嘢都變得太甜好脷啦。我哋首先試咗佢嘅享負勝銘嘅千層蛋糕，老實講唔明白點解咁多人話好好味。我都係一個Millie feuille嘅愛好者，食盡唔同地方嘅千
先講講佢嘅外貌，我覺得外賣盒十分高檔，有兩層，打橫開，一次過可以看晒所有食物。
因疫情關係，先後試過幾間頂級酒店嘅外賣下午茶。有四季酒店嘅下午茶，grand Hyatt 及依間。先試一試佢嘅鬆餅，味道ok,就是果醬沒有太大特色，提供了士多啤梨味及橘子. 本人覺得四季酒店嘅鬆餅或半島的較好味，Cream cheese及玫瑰果醬勝一籌。
鹹點：青瓜蟹肉卷，三文魚三文治，生牛肉黑松露三文治及青豆松露撻。這四款鹹點配搭高檔，味道也好好味，足料，各具特色。
甜品：
一打開盒子，看見有六件蛋糕，基本上佢喺餐廳蛋糕櫃，攞咗六件嘅蛋糕出嚟。如果每件$78咁計，依6件蛋糕都值$480！所以性價比十分之高。
睇吓你係唔係好鍾意食甜點，基本上一人食一件都太飽啦，因為份量實在太大。當我哋食到第二第三件嘅時候，更好味嘅嘢都變得太甜好脷啦。
我哋首先試咗佢嘅享負勝銘嘅千層蛋糕，老實講唔明白點解咁多人話好好味。我都係一個Millie feuille嘅愛好者，食盡唔同地方嘅千層蛋糕。我自己覺得好味嘅千層蛋糕，一定要鬆，脆，及個吉士要夠滑。話到好似有100唔知幾十幾層好巴閉，但老實而言，貼近吉士嘅部份皮是淋了，脆就脆，但不是鬆化的。用刀也不能把它切開一半。再講講佢嘅吉士，佢吉士是雲呢拿做的，偏硬，咬的時候會一粒吉士丟出來🥲我個人覺得是一般。想吃好味的千層酥皮蛋糕，我會推介天后的mimosa 或royal garden 的千層酥皮蛋糕。
我本人比較鍾意朱古力松露蛋糕， 75%嘅朱古力好濃郁，入邊有啲脆脆幾有層次感。
其餘嘅蛋糕普遍來講我覺得算偏甜，味道算不錯。
最後附送Twg 的茶包兩包。
小結：
鹹點比較出色高檔，而鬆餅及甜點部份質素一般，因甜點因為份量好多，所以建議三人食也可以。最後，因為名氣來打卡一次，也是一個不錯的選擇。
或者可以和朋友叫兩三件蛋糕一齊分享也不錯。
Post
