陳家菜 @Freshlane (樂基商業中心) (Closed)

今日心很累，放工後唔想再自己煮飯食；係上環搵到呢間外賣，咁就一於買返屋企慢慢嘆…最後同老公叫咗四樣嘢，連埋兩個白飯，我哋都食得好滿足；首先有兩個小食：椒鹽雞翼同炸花枝其實炸物一般由整好計開始，盡快食用一定最香口；但我哋經過一輪長時間車程返到屋企都依然香脆，真係難得！至於肥牛粉絲煲同羊腩煲，雖然無咗堂食個煲熱住，但依然都係食落暖笠笠架！沙嗲肥牛粉絲煲：絕對係下飯之選！香濃沙嗲搭配肥牛粉絲索晒汁吸晒味！係呢個冬日雖則唔算話好凍，但有呢啲煲類暖下個胃都係食得好開心舒服😌羊腩煲：好足料！羊腩份量夠晒多！好抵食😋拎到返屋企食都仍然食得出夠火候去煮！冬天緊係必點羊腩煲🥰誠意推薦！🔄