PizzaExpress (威靈頓街) (Closed)

幾個人想食好野可以點做？無堂食，就拎返屋企食！高質嘅話就算外賣都唔會難食咗，只會唔夠熱。佢嘅外賣盒全部都係紙盒，少部份醬汁用細膠盒仔。都好好啦，尤其而家個個都外賣，真係超級多膠。每盒外面都有寫明d咩黎，細心到連點湯嘅麵包，放上pizza嘅火箭菜都有分開盒！雖然係紙盒，部份有需要嘅，入面有張牛油紙隔一隔，唔會令水份透底。南瓜花西班牙腸桂花薄餅好surprise嘅口味配搭，桂花香落去完全唔會奇怪，桂花鹹甜都可以配搭。炸南瓜甜甜地，成件事好舒服。烤蜜桃油封鴨腿，鴨肉煮得幾好，好香，肉都幾嫩唔乾。仲有大半個牛油果同沙律菜，令成件事好清新開胃。意式青口海鮮湯，打開個盒嘅時候以為係一道菜，因為湯汁太濃，青口好多！加埋烤芝士麵包條落去點，好有意大利風味忌廉XO醬蝦肉粗管通粉。微辣嘅忌廉汁，份量唔少，汁剛剛好唔會乾都唔會太多。甜品點少得麵包球點nutella 醬！好似無堂食咁油，應該係因為凍咗。