爆丼屋 (Moved) New Location

好多時同朋友食飯都係我提出食咩嘅，但有時都真係好懶唔想諗。今次要買外賣返屋企食，我就叫朋友直接提議一間餐廳等我可以買俾屋企人食。佢就提議左呢間爆丼屋啦。呢到本身每個飯大約百幾二百幾蚊，但依家外賣自取有八折優惠，即刻就好似每個飯平左幾十蚊咁，抵！松葉蟹丼 原價$275呢個係冬季限定，咁少見就梗係要揀呢個啦。佢係蟹足+蟹爪二食，上面仲有好多蟹肉添，啱曬超鍾意食松葉蟹嘅我。佢有好多蟹腳，舖滿曬成個刺身飯嘅表面。其實有咁多蟹嘅刺身飯我都係第一次食，感覺驚喜。同埋佢每個飯上面都有一件好可愛，細細件，印住「爆丼屋」三個字嘅玉子燒，好得意。極上拖羅盛丼 原價$245望到menu張圖之後即刻被吸引到，好似有好多好多拖羅咁，所以就揀左呢個飯啦。一見到嗰陣都幾震撼，因為真係有好多片，同埋佢擺放得好靚。同樣地，佢都有一件印住「爆丼屋」三個字嘅玉子燒。同埋呢間啲飯真係好多好多，就算係男仔食都一定夠飽。麵豉湯 $0另外仲有兩碗麵豉湯，好濃味，反而覺得如果淡少少會好飲啲。入面有好多片蘿蔔。因為份量好大，最後我地三個人share兩個飯都夠食。