閨•家 (西九龍中心) (Closed)

疫情期間，晚市無得堂食，出街買啲快餐外賣， 有時食完又口渴又油膩 ，唔想喺屋企煮但係又想食到家的味道， 喺西九龍中心見到閨家開分店就啱曬。門口很顯眼寫著無味精茶餐廳，而菜單都係一啲簡單香港菜色， 決定買三盒外賣返屋企同屋企人食。點了炆豬手飯（$49）、柱侯牛筋腩飯（$53）和咖哩豬扒飯 （$51）。真心三款都好好食，食得出真係冇味精，吃得出食材本身的原汁原味。首先牛筋腩份量幾多，不單只有五六件軟腍的牛筋腩， 還有蘿蔔件，夠曬甜。另外炆豬手好香，啲豬手唔係得啲骨，而係真係有肉食，南乳汁又多又香又有花生，送飯好正。咖哩豬扒飯點了小辣， 所以唔會話好辣，咖哩味夠香又有椰香，豬扒亦都鬆化，不過件數有三件，當中有啲骨， 對比起牛筋腩飯，唔算多肉食。最正嘅係每個飯都跟冇味精老火湯， 當日應該係蟲草花百合豬展湯，不過味道比較似青紅蘿蔔豬展湯多啲，因為湯很有蘿蔔的甜味，飲曬一啲都唔覺得口渴，幾好。