豐膳西餐廳 (Closed)

又是一年一度去九展攞月餅，今次特登請半日假。諗住食完飯先攞，但又唔係咁餓，都唔知食什麼。見到3樓間餐廳，除了食buffet之外，還有午市飯盒供應，雖然要坐喺另外一邊，但是環境都可以，仲睇到商場個大電視添。飯盒種類有1款燒臘飯，1款蒸飯，2款普通飯和1個輕怡之選。由於唔係咁餓，所以要咗個輕怡之選。有沙律菜，生果，和1個包 - 入面有菜，番茄，和3片冷盤肉。個飽鹹鹹地，加埋冷盤肉，都幾好食。成份餐菜既比例都相當多，幾健康，但是菜本身就係一般，普普通通咁喇。生果得3件，如果可以俾多d生果就好喇。