平民美食坊

Open Now

Now Closed

環境：外賣送餐，冇見過所以冇得評論。衛生4分：外賣包裝正正常常，可以畀四分。服務4分： 聽電話果個男仕親民又醒目，第二次叫餐已經記得個地址，不過食飯時間超忙，要等成個鐘頭先有野食，所以服務扣左佢一分。味道4分：1)      星洲炒米大盒又份量足，炒得夠乾身又有料，D蝦仁好爽，叉燒唔乾，好味可以畀四分！2)      盒豉椒牛肉炒河好野味，河粉雖然冇米粉咁多，不過咁油都係食少Ｄ好，牛肉大大塊都叫做軟熟，係河粉硬左Ｄ同唔夠滑所以畀四分。抵食4分：三十八蚊一個飯盒包埋飲品（凍熱同價）算係正常價，買兩盒變三十二蚊一盒，免費送貨又好食，絕對抵食，係等餐時間耐所以扣佢一分。