撕撕雞@Freshlane

Open Now

Now Closed

喺西營盤返工食lunch 真係來來去去個幾間，同事介紹公司附近原來開咗間新嘅外賣餐廳，有得食手撕雞，所以同同事每人買咗一個餐嚟做lunch試下。一個餐幾十蚊，我唔食得辣，所以叫咗米線加招牌手撕雞，手撕雞配埋青瓜一齊食都幾惹味，外賣最緊要係湯同埋粉要分開，就算拎到返公司啲米線都唔會林晒，湯底係清甜嘅雞湯，食完唔會口渴。小食叫咗最豬手，有兩舊，外皮爽脆有酒香。同事就叫咗麻辣手撕雞，味道算幾辣特別開胃，白飯一大盒，但最好係會送一個清湯，就算食飯都唔會覺得好口乾，麻辣豬耳份量都唔少，用嚟送白飯亦都唔錯。總括來講幾十蚊可以喺西營盤多一個選擇，而且份量好多，唔記得講每個套餐都會送罐裝嘢飲所以一個餐食完其實都好飽。