三本目 (富麗花園)

Open Now

Now Closed

上年係鱟地坊試過呢間「三本目」估唔到咁快又係荃灣開咗新分店。上次試咗佢哋嘅丼飯，今次試吓佢哋嘅壽司先。自選壽司最好，記得佢哋啲火炙壽司唔錯，叫咗火炙三文魚、火炙芯士三文魚、火炙左口魚裙邊、花之戀、甜蝦、吞拿魚、三文魚腩、油甘魚、帶子。仲加碼叫多少少刺身同埋沙律。買咁多份量，佢哋都會送個冰袋，仲有一兩塊冰雪住啲壽司保持新鮮。其實手卷都抵食，十零廿蚊，都見有街坊經過都會買啲手卷食。佢哋話其實可以用WhatsApp落單，仲可以指定時間拎貨添。啱晒我哋荃灣友。