大呷台灣 (Closed)

今日由威靈頓街行去中環自動電梯，途中被店員介紹叫我試食呢個外賣超值套餐，$50已經包含飯和飲品，以中環食飯來講價錢確係吸引，於是要買一次試吓：1. 鹽酥雞排配古早肉燥飯 有4大大塊厚切雞排，分別加上1/4份量肉燥和配菜，飯有半個盒份量，一定食得飽。鹽酥雞排炸得脆，無咩油，連皮食都無問題，而且肉夠厚，調味又好好味，作為主菜真係一流👍🏻。肉燥唔鹹，我今次係肉燥連配菜撈飯一齊食，所以覺得所有味道夾埋一齊去食好正😋。2. 烏龍茶外賣套餐送咁大支烏龍茶，以價錢來講真心覺得超值，不過就唔夠茶味，可能只得一個茶包關係，但係office飲係方便，可以加凍水番飲幾次。雖然天氣熱行去係有點辛苦，但我都期待再試其他佢菜式😋。