廟街玉子燒 (Moved) New Location

依家晚上沒有堂食，最啱就係買外賣返屋企食，最近行過油麻地廟街，發覺有一間叫做廟街玉子燒，專做外賣嘅食店，一於來試吓。你會發覺最近做緊特價， $100就有三款食物，咁當然要試吓佢嘅留心芝士玉子燒，同埋一啲鐵板小食，今次就揀咗鐵板魷魚酥和鐵板雞軟骨。因為舖頭只係做外賣，沒有堂食，所以來食嘅時候記住要拎走，或者可能只係喺街頭上面食，因為冇枱櫈。首先講吓個鐵板燒魷魚同埋鐵板燒雞軟骨，因為鐵板燒完後熱辣辣，所以個味都好夠同埋好熱，個醬汁係大阪燒醬汁， 10分夠味。而個玉子燒，整體來說都有流心和芝士的味道，但蟹子的份量略嫌有點少，比起之前其他看到的份量都少，但整體來說都不錯。