幸福鍋 (Closed)

依家無晚巿堂食唯有外賣返屋企食，想打邊爐又懶得買餸洗碗就可以揀依啲一人火鍋。台式火鍋嘅鍋底永遠都係咁吸引！我揀咗鴨血豆腐麻辣同沙茶醬湯底，湯底入面本身已經好多料，沙茶湯底一大舊豬骨係入面真材實料，蜂巢豆腐好好食！湯底有味得嚟唔會好咸。食物有肉有菜有面，啲牛同豬肉質都出奇地好，肥瘦適中，新鮮有肉味。手打墨魚滑超好食，大蝦鮮甜，魚皮係打邊爐必備。菜有菇有豆卜等等，好豐富。薯粉同粉絲都好吸湯底。飲品仲有冷泡菜飲。食到超級飽！