任你點車仔麵 (Closed)

呢日病病地，原本想去買粥同腸粉，但係去到舖頭嘅時候見到呢間任你點車仔麵響隔離，之前未食過，所以又想試下。睇完menu最後決定都係買個外賣試下啦！佢嘅食物分咗幾個價錢，面底又有一個價錢，逐樣計上去，我叫咗溫泉蛋，潮州魚蛋，香甜蘿蔔，總共$38。佢外賣成本都幾高，膠盒用料好實淨，之前都未見過呢個款嘅外賣盒，盒內分兩層，湯同麵分開，當然我個溫泉蛋都唔會放喺湯入面啦，魚蛋同蘿蔔就浸響湯入面。溫泉蛋做得都幾好，同拉麵店差不多。魚蛋就略嫌有點鬆散，始終比不上傳統潮州麵店。蘿蔔又真係幾甜。我揀咗河粉，其實都幾大份。唔知係咪因為病嘅關係，我叫咗清湯底，真係覺得好淡而無味。