NeNe Chicken (形點 I) (Closed)

去朋友屋企食飯挑戰買外賣!Nene chicken 喺香港都算多分店，今次第一次是佢嘅外賣！一行四人分別叫咗：雙拼無骨炸雞（辣味初雪、避風塘）、小食拼盤、明太子雞蛋捲、加購薯條同埋芝士波。地理位置：喺商場入邊位置都非常好，同朋友聚會叫外賣亦都非常方便。服務：職員服務都非常友善，雖然我哋想食「普通年糕」嘅時候，對方冇特別醒起有「小食拼盤」，但係都主動提出左啲例如年糕串燒嘅選擇。食物：炸雞//一直都覺得初雪好好食，不過今次因為冇晒所以叫咗辣味初雪，我就覺得啱啱好，但係朋友有啲食到調味粉比較重嘅話會覺得好辣。避風塘味道都唔錯，下次可以再食！小食拼盤// 強烈推介，其實都真係好抵食！因為包咗好多好多嘢，朋友聚會簡單乜都諗唔到嗌一個就搞掂！明太子雞蛋捲// 而家因為已經食到好飽，有一種覺得堂食好食啲嘅感覺。加購項目//薯條就正正常常薯條啦，凍咗都唔係特別好食，配搭嘅係茄汁。芝士波最後冇食到，聽朋友講奇奇怪怪唔係心目中所想嘅，少少似麵包球入邊有芝士然後炸/焗咗佢。