野郎Stone (Closed)

今日去開尖沙咀，專程去食街-厚福街睇吓有乜好食先，見到野狼stone一直都想食佢嘅熱石燒牛，雖然宜家冇得堂食，但用現金外賣有八折優惠，都好抵食！店舖小小，平時應該係用自動販賣機點餐的，不過因為今次係外賣＋現金付款，所以直接向店員落order就好了Menu有上各式各類嘅牛，好多選擇⋯⋯ 除了有牛柳、西冷這些想見的，還有牛翼板，牛肋骨隔膜、肩胛肉眼等等，也有分size 150g, 200g, 309g可選，由78元起至百多元，豐儉由人。最後我揀了肩胛肉眼，因為比較小見。店員也介紹話呢個部位好味，因為油花豐富，肉味比較突出。等了10分鐘左右，外賣已經到手。快快腳返屋企開餐先得一打開飯盒已經聞到好香嘅蒜香味。肩胛肉眼已經切好一塊塊，份量都好多飯旁仲有一大舊薯蓉添肩胛肉眼口感上較柔嫩，沒有過多嘅脂肪。煮得不會太老，加上蒜香燒汁，送飯吃簡直一流。